Դեմքի երիտասարդացման վիրահատությունները կատարվում են ավելի քան 100 տարի։ Տարիքի հետ դեմքի մաշկը սկսում է էապես փոփոխվել, նրա բջիջիները սկսում են ավելի դանդաղ վերականգնվել, դերման (մաշկի խորանիստ շերտը) դառնում է ավելի բարակ։ Դերման կազմված է մի քնի տեսակի հյուսվածքներից, որոնցից հիմնականը դա էլաստինն է և կոլագենը։ Էլաստինը մաշկին հաղորդում է էլաստիկություն, իսկ կոլագենը ապահովում է նրա առձգականություն։

Դեմքի պլաստիկան ի զորու չէ վերացնել մաշկի տարիքային բոլոր փոփոխությունները, սակայն էականորեն վերացնում է տարիների թողած հետքերը։ 2018 թվականի ընթացքում միայն Եվրոպայում և Միացյալ Նահանգներում մոտ յոթհարյուր հազար մարդ վճարել են իրենց երիտասարդությունը վերականգնելու և նոր արտաքին ձեռք բերելու համար՝ կատարելով դեմքի, պարանոցի և ճակատի ձգում։ Դեմքի ձգման վիրահատությունը ստեղծվել է մարդու արտաքինի երիտասարդացման համար՝ վերացնելով խորը ծալքերը և կնճիռները, պահպանելով թուլացող մաշկը և մկանները։ Դեմքի ձգման վիրահատությունից հետո մարդկանց գերակշռող մեծամասնությունը ձեռք են բերում ավելի քան 10 տարվա երիտասարդացման էֆֆեկտ, իսկ ստացված արդյունքը հստակորեն պահպանվում է շուրջ 7-10 տարի։

Հակացուցումներ

  Բարձր զարկերակային ճնշում

  Լուրջ սիրտ-անոթային հիվանդություններ

  Շաքարային դիաբետ

  Վահանաձև գեղձի հիվանդություններ

  Արյան մակարդելիության խանգարումներ

  Ներքին օրգանների լուրջ հիվանդություններ

  Ինֆեկցիոն հիվանդություններ

  Ուռուցքաբանական հիվանդություններ

  Մաշկի էլաստիկության կորուստ և ցածր կրճատողականություն

  Մազերի աճի խիստ բարձր դիրք և մաշկի լուրջ վնասվածքներ։

Հակացուցումներին կարելի է դասել նաև անատոմիական անհատական յուրահատկությունները և ոսկրային կառուցվածքը, որոնք խանգարում են վիրահատության իրականացմանը։ Պարտադիր է հսկող թերապևտի հետ նախավիրահատական քննարկումը նախատեսվող միջամտության վերաբերյալ։

Վիրահատության իրականացումը

Դեմքի ձգման վիրահատությունը դասվում է բավական բարդ վիրահատական միջամտություններին։ Վիրահատույթունը իրականացվում է ընդհանուր անզգայացման տակ։

Վիրահատության տեխնիկան անհատական է ամեն մարդու համար և ընտրվում է հաշվի առնելով յուրահատկությունները։ Ցավազրկման տեսակները ևս ընտրվում են անհատականորեն հաշվի առնելով նախատեսվող ծավալը և անհատի ցանկությունները։ Ցանկացած պարագայում անեսթեզիոլոգը կկիրառի բոլոր անհրաժեշտ միջոցները, որոնք հնարավորություն կտան չզգալ որևիցէ ցավ, ապահովելով լիարժեք անվտանգություն և հետվիրահատական մինիմալ դիսկոմֆորտ։ Ողջ ընթացքը տևում է 1-3 ժամ կախված կիրառվող վիրահատական տեխնիկայից, դեմքի յուրահատկություններից, դրված խնդիրներից և նպատակներից։

Ցանկացած վիրաբույժ հասնում է իր արջև դրված նպատակին լավագույն մեթոդի և ստուգված տեղնիկայի կիրառման շնորհիվ։ Կախված մկանային կառուցվածքի յուրահատկություններից և վիրաբույժի հմտություններից ընտրվում է առավել արդյունավետ մոտեցումը։ Բժիշկը կատարում է բոլոր անհրաժեշտ գործողությունները դեմքի մի կեսում և ապա նոր անցնում է դեմքի մյուս կողմին։ Երկրորդ կողմում աշխատելիս կատարվում է առավելագույն համապատասխանեցում ամբողջ դեմքի ներդաշնակության վերականգնմամբ։ Կտրվածքները կատարվում են այն հատվածներում, որտեղ անհրաժեշտ է ձգել մաշկը և մկանները։ Թշային և դեմքի վերին երրորդականի ձգման նպատակով կատարվում է կտրվածք քունքային շրջանում մազածածկույթի եզրից մի փոքր նահանջելով և ախանջախեցու շրջանում։ Դեմքի ստորին երրորդականում կարող են կատարվել կտրվածքներ բերանի խոռոչում, պարանոցի շրջանում՝ կզակի ստորին հատվածից։ Ցանկացած պարագայում մաշկը անջատվում է ճարպից մկանային եզրերով։ Այնուհետև ձգվում են և վերաբաշխվում մակերեսային մկանները։ Հաջորդիվ մաշկային լաթերը ձգվում են վեր և հետ, հեռացվում են մաշկային ավելցուկները և տեղադրվում են համապատասխան կարեր։ Ավելորդ ճարպը հեռացվում է պարանոցի հատվածից, կզակի և դեմքի ստորին շրջաններից՝ լավացնելով ուրվագծերը։ Արյան մնացորդների և շճային արտադրության հեռացման նպատակով տեղադրվում են դրենաժներ ականջախեցու ետնամասում։

Ներկայումս գոյություն ունի դեմքի ձգման մի քանի հիմնական մեթոդիկա․

  Մինիձգում

  SMASձգում

  Հանգստյան օրվա ձգում

  Ձգում APTOS թելերով

  Դեմքի խորը ձգում

  Դեքի ենթավերնոսկրային ձգում

  Դեմքի համակցված ձգում

  Դեմքի տումինիսցենտ ձգում

Հետվիրահատական շրջան

Ստացիոնարում գտնվելու տևողությունը սովորաբար կազմում է 1-2 օր։ Դուրսգրումից հետո վիրաբույժը տալիս է բոլոր անհրաժեշտ խորհուրդները հետվիրահատական շրջանում աստճանաբար առօրյա կենսակերպին վերադառնալու համար։ Հիմանակնում դրանք հետևյալն են։

Մեկ շաբաթվա ընթացքում պետք է կրել սեղմող էլաստիկ հատուկ կապ։ Հիմնականում այտուցը ավելանում է հետվիրահատական 2-3 օրը, պակասում է առաջի շաբաթվա վերջում իսկ պրակտիկապես վերանում է 3 շաբաթից։ Բավական հաճախ նկատվում է մաշկային զգայնության Ժամանակավոր իջեցում։ Վերականգնման շրջանը կազմում է մի քանի շաբաթից, մի քանի ամիս։ Պետք է պահպանել զգուշություն, քանի որ այս շրջանում կարելի է հեշտությամբ ստանալ այրվածքներ և կամ այլ տրավմաներ։

Կարերը հեռացվում են որպես կանոն 1 շաբաթից։ Այս պահից ի վեր դեմքին պետք է վերաբերվել առավել զգուշությամբ, քանի որ մաշկը և ստորադաս մկանները դեռ նոր են սովորում ստեղծված իրավիճակին, չափերին և ձևին։ Դեկորատիվ շպարը կարելի է կիրառել վիրահատությունից մեկ շաբաթ անց այն պարագայում, եթե վերքերի ապաքինումը գնում է նորմալ։

Վիրահատությունից հետո անհրաժեշտ է՝

  Խուսափել լարված ֆիզիկական ծանրաբեռնվածությունից, այդ թվում սեքսուալ

  Բացառել ծանր տնային աշխատանքը, առնվազն 2 շաբաթով

  Տրամադրվել հանգիստ ոտքով զբոսնելու, ճիշտ սնվելու, չափավոր, հավասարակշռված ապրելակերպի 

  Բացառել ալկոհոլը, ծխելը, սաունայի հաճախումը նվազագույնը մի քանի ամսով։

Որոշ պացիենտների համար հատկանշական է որոշակի հոգնածությունը և հոգեբանական ընկճվածությունը հետվիրահատական առաջի մի քանի շաբաթվա ընթացքում։ Սակայն արդեն մեկ ամիս անց խորհուրդ տրվող լիմֆոդռենաժային մերսման ֆոնի վրա տեսանելի են դառնում ռեալ ստացված արդյունքները։ Պացիենտը լինում է գոհ և երջանիկ, մնում է ընտելանալ նոր տեսքին, մազահարդարմանը և մաշկին։

 

 

Leave a reply

Your email address will not be published. Required fields are marked *